• info@zamakedonskinarod.org
  • +389 78 370 496
Македонски Народ е единствен народ од Европа,кој беше изложен на страотен Геноцид во минатите 100години

Македонски Народ е единствен народ од Европа,кој беше изложен на страотен Геноцид во минатите 100години

На денешен ден во 1905 година во Загоричани започнал процесот за етничко чистење на Македонците од Егејска Македонија

На денешен ден пред 115 години во селото Загоричани во Егејска Македонија се случиле најбрутални ѕверства против човештвото од страна на грчките андарти.

Ова антицивилизациски настан се смета за почеток на долгогодишното етничко чистење и геноцид врз Македонскиот народ во рамки на процесот за етничко чистење на Егејска Македонија кој што го спроведувале организирани вооружени групи од страна на Грција. На 25-ти март 1905 година пострадале 60-тина жители на селото Загоричани кои биле убиени на најбрутален и најнечовечен начин што е денес еднакво на злосторство против човештвото. Притоа селото во голем дел било запалено а извесен број на селани го преживеале масакрот но биле сериозно повредени.

Нивното сведоштво е запишано пред лицето на историјата о во вид на писма кои биле испраќани до тогашните европски конзули и претставници во Отоманската Империја.

„Ние, целото население, апелираме до човекољубивата и хумана Европа, апелираме до цивилизацијата, која, веруваме, не може да најде поварварски сцени, достојни на средните векови, апелираме до европското јавно мнение, апелираме и до целата природа и до сите покровители на поробените народи и гласно изјавуваме дека и ние сакаме човечки живот и човечки права или смрт!“

-стои во дел од писмото кое што било испратено на Австро-унгарскиот и Рускиот конзул.

Две години пред тоа, при задушувањето на Илинденското востание, османлиската војска, која имала наредба да го запали Загоричани, со сета своја суровост убила три пати помалку селани од грчките банди.
Еве што италијанскиот полковник Албер, офицер на италијанската армија кој учествувал во многу борби со дивите африкански племиња, напишал за убиствата во Загоричани.

„Често се случуваше наши војници да бидат заробени од Африканците и убиени. Но, убивање со таква свирепост не сум видел досега и не можам да најдам зборови со кои би ги опишал тие што ова злодело го сториле“.

Тој, заедно со неговиот колега Манери, австрискиот конзул Прохаска и рускиот конзул Каљ, кога пристигнале во Загоричани ден-два по злосторството, ги ставале рацете на лицето не можејќи да поверуваат во тоа што го гледаат. Обезличени тела, пресечени грклани, избодени очи, распорени гради, исечени раце и нозе… е само мал дел од описите на очевидците на овој грозоморен чин.
Велат дека пламенот во селото од далеку го посматрал и Каравангелис кој читајќи молитва, ги прашувал другите дали пламенот се намалува или се зголемува и при секое намалување, клекнувал и се молел за успех на делото.
Денес ова село се вика Василиас, што во слободен превод би значело царско село. Ова име го добило во 1928 година.

Во продолжение го пренесуваме целото писмо кое што било подготвено од страна на жителите на селото Загоричани а испратено до австрискиот и рускиот конзул:

До господата рускиот и австрискиот конзул

На 25 март во темни зори една грчка разбојничка банда од околу 200 души го нападна нашето село од сите страни. Најнапред слушнавме како свири труба, а потоа почнаа да грмат пушки „маузерки“. Населението, мислејќи дека селото ни е заобиколено од војска, не мрдна од своите места и замрзна од силниот грмеж и од динамитните бомби исфрлени на разни места и од куршумите, кои како град се сосипаа над покривите на замрзнатите селани, неподдржувани од никаде. Со голема сила, разбојниците не им дадоа на несреќните селани навреме да се соземат, и така навлегоа во селото поделени на мали банди од по 4 до 8 души […] О, Боже!!! Перото е бессилно да ги опише ужасите, злосторствата на тие ѕверолики луѓе вооружени од глава до петици. Тие извршија ужаси нечуени досега во светската историја на човештвото. Почнаа да ги кршат вратите и да влегуваат во куќите, да убиваат и да собираат се што ќе се испречеше пред нивните крвожедни очи. Без причина убиваа мажи, жени и деца и домашни животни. Во тие критични часови голем беше лелекот по целото село! Беспомошното население, обземено од паничен страв, трчаше по улиците и избезумено бараше прибежиште за да се скрие од куршумите и од ножот на тие поклоници на „вандализмот“! Секој што падна во нивните безмилосни раце беше трагично убиен! Ниту молбите, ниту прекрстувањата, ниту бакнежите на расплаканите жени, ниту нивните солзи и писоците на малите и невини деца, ниту паричните награди, кои разбојниците ги прифаќаа на драго срце – ништо не беше во состојба да го омекне и смилостиви каменото срце на тие варвари. Првото нивно барање беше „пари“, второ, се наредија по ред, а најпосле смрт – насилничка, смрт ужасна, смрт нечовечна, смрт маченичка!!!
Сите ние ќе станевме жртва на грчката злоба, на грчкиот фанатизам, чиј водач е костурскиот грчки митрополит (Георгиос Каравангелис), ако не пристигнеше еден одред војска. При појавата на тој мал одред војска разбојниците се распрснаа и ние останатите се спасивме од сигурна смрт. Намерата на тие платени убијци била да го уништат целото село, но провидението нè спаси!!!

По тоа малку време (разбојниците отворија оган во 10 и пол часот „алатурка“. Аскерот се појави во 1 часот и по еден и пол час борба, во 2 и пол часот, бандата се повлече) додека разбојниците дивееја во нашето село, беа извршени злосторства, чии размери јасно се гледаат од таблиците што се дадени во прилог.

По сето горекажано јасно се гледа каков е нашиот живот – живот страдалнички, живот неподнослив, живот во постојана тревога! Ние, целото население, апелираме до човекољубивата и хумана Европа, апелираме до цивилизацијата, која, веруваме, не може да најде поварварски сцени, достојни на средните векови, апелираме до европското јавно мнение, апелираме и до целата природа и до сите покровители на поробените народи и гласно изјавуваме дека и ние сакаме човечки живот и човечки права или смрт!
Бараме казнување на виновниците и обезбедување на човечкиот живот и на човечките права!

-Од целото население на село Загоричани

Писмото е е објавено во зборникот „Руски документи за Македонија и македонското прашање (1859-1918)“, издание на Архивот на Македонија

Битолскиот главен жандармерист полковник Албера кажува после масакрот во Загоричани:
“Како офицер од италијанската армија имам учествувано во многу битки со дивите африкански племиња. Често пати се случувало да бидат запленети наши војници и убиени од африканците.Но колеж со таква префинета жестокост не сум видел досега и не можам да најдам зборови со кои би ги класифицирал авторите на ова големо злодело”.
Бугарскиот трговски агент Андреј Тошев, во тајна дописка до бугарското министерство пишува:
” Тие, руските и австриските конзули и италијанските офицери Албера, Гастолди и Манера се потресени од тоа што го видоа таму. Низ улиците, крај црквата, насекаде лежеа трупови, масакрирани и обезличени.
Имало петгодишни деца со распарани стомаци, жени убиени со расечени раце.
На некои черепите им биле скршени и мозокот истечен, на други очите извадени, рацете и нозете исечени. Еден од селските свештеници, 60 годишен старец, неговото тело било целото со рани.
Едно цело семејство е убиено со бомби, кои биле фрлени директно во куќата преку оџакот и преку две големи отворени дупки.
Таткото, мајката и двете деца се ужасно масакрирани од двете бомби. Најмалото, петгодишно детенце, сакало да избега преку вратата, но било распарано од бајонетот на грците.
Рускиот конзул плачеше кога ми кажуваше што видел таму.
Австрискиот конзул одвај ги задржуваше солзите. Тие рекоа и дека не виделе такви ѕверства ни од турците после востанието.
Конзулите додадоа и дека миризбата од полураспаднатите тела на убиените, криците и лелекањата на останатите живи можеле да ја скршат душата и на оние со најладни срца.

115 ГОДИНИ ОД МАСАКРОТ ВО ЗАГОРИЧАНИ
25.03.1905год.

Помеѓу убиените се:

1. Ноле Дуков (100год.)
2. Таси Рапов (50)
3. Мите Лазов (56)
4. Кузо Самарџијата (48)
5. Иван Колокотронкин (25)
6. Јани Канѕов (58)
7. Христо Канѕов (48)
8. Ицо Маразето (60)
9. Мите Филцов (50)
10. Миште Јоткин (75)
11. Стојан Костандов (40)
12. Кирјако Сапунаров – Палјачо (47)
13. Петар Шпатов (20)
14. Ноле Манчев (70)
15. Гиро Василев – Моди (20)
16. Мите Погончев (70)
17. Петар Мацурев (55)
18. Сидо Вулев (51)
19. Никола Блачев (54)
20. Син му Георги (17)
21. Марко Вангеловски-Калфата (75)
22. Јане Курувешов (60)
23. Гило Курувешов (45)
24. Таси Курувешов (40)
25. Зисо Димовичин (75)
26. Син му Петре (14)
27. Јане Зафираков (20)
28. Мите Констандинкин (50)
29. Георги Ронза (65)
30. Георги Тагаров (26)
31. Христо Темов (63)
32. Димитар Кондев (40)
33. Дине Цуцулев-Даскало (45)
34. Кузо Дрендов (76)
35. Дине Колев-Бушунанчев (25)
36. Коле Јунако (18)
37. Филе Ѓончев (50)
38. Син му Стојан (20)
39. Јако Евреинот (70)
40. Пандевица Миталкова (25)
41. Трпа – жената на убиениот Васил Чичов (45)
42. Тана – ќерка на Јане Канѕов (14)
43. Ангелина – ќерка на Кузо Самарџијата (10)
44. Елена – ќерка на Кузо Самарџијата (7)
45. Марија – ќерка на Кузо Самарџијата (4)
46. Мајка им Султана (40)
47. Поп Стефан (60)
48. Вангел Гацов (70)
49. Никола Костандов (75)
50. Кузо Нанов (55)
51. Кузман Костандов (75)
52. Мите Шклифа (65)
53. Ванук Киров (50)
54. Коле Илко Дуков (30)
55. Васил Чичов (55)
56. Наум Мишков Драшката (65)
57. Андон Печитиков (50)
58. Јанчо Туруфиев (50)
59. Наки Калешин (47)
60. Коста Шефов (65)

Овој масакр е инспирација за песната “Народе македонски”:

“Исклаја жени, деца, во село Загоричани…”

Нека им е вечна слава!

#ДаНеСеЗаборави
#МакедонијаВечна

shares